عمران خان کے حوالے سے ‘دھمکی’ کس کو دی گئی ؟ سینئر صحافی نے راز سے پردہ اٹھا دیا

اسلام آباد : (ویب ڈیسک) سینئرصحافی نسیم زہرہ نے دھمکی آمیز خط کے حوالے سے کہا ہے کہ ڈاکٹر اسد کو کہا گیا کہ جب تک وزیراعظم عمران خان ہیں تعلقات بہتر نہیں ہونگے۔ سماجی رابطے کی ویب سائٹ ٹوئٹر پر اپنے پیغام میں انہوں نے بتایا کہ امریکی انڈر سیکریٹری اسٹیٹ نے پاکستانی سفیر کو ملاقات کیلئے بلایا۔

نسیم زہرہ کے مطابق ڈاکٹر اسد کو کہا گیا جب تک وزیراعظم عمران خان ہیں تعلقات بہترنہیں ہونگے، سفیرکو بتایا گیا کہ عمران خان کے جانے پر پاکستان کی غلطیاں معاف ہوسکتی ہیں۔ ان کا ٹوئٹ میں مزید کہنا تھا کہ سرکاری ملاقاتوں میں ایسی غیرمعمولی اور سخت بات چیت حیران کن ہے، سب کو چاہیے کہ اس طرح کے اشتعال انگیز رویے کی مذمت کریں۔ یاد رہے کہ اس حوالے سے وزیراعظم عمران خان آج شام قوم سے خطاب کرینگے، گذشتہ روز انہوں نے اپنا قوم سے خطاب مؤخر کردیا تھا۔ وفاقی وزیر اطلاعات فواد چوہدری نے سماجی رابطے کی ویب سائٹ ٹوئٹر پر جاری بیان میں کہا کہ وزیر اعظم عمران خان آج رات قوم سے خطاب کریں گے۔

Leave a Reply

Your email address will not be published.