پی ٹی آئی کا وہ منحرف رہنما جس نے (ن) لیگ کے ٹکٹ پر کاغذات نامزدگی جمع کروا دیے

لاہور (ویب ڈیسک) پاکستان تحریک انصاف (پی ٹی آئی) کے ڈی سیٹ رکن اسمبلی نذیر چوہان نے مسلم لیگ (ن) کے ٹکٹ پر ضمنی انتخاب کے لیے کاغذات نامزدگی جمع کروادیے۔پنجاب میں صوبائی اسمبلی کے ضمنی الیکشن کے معاملے پر امیدواروں نے کاغذات نامزدگی جمع کروانے شروع کر دیے، تحریک انصاف کے

ڈی سیٹ رکن اسمبلی نذیر چوہان نے پی پی 167 کی لیے کاغذات نامزدگی جمع کروادیے۔نذیر چوہان کا کہنا ہے کہ ٹکٹ دینے پر مسلم لیگ (ن) کا شکر گزار ہوں، ہم نے ضمیر کی آواز پر لبیک کہتے ہوئے عمران خان کو چھوڑا، عمران خان نے ملک کو تباہی کے دہانے پر لا کر کھڑا کر دیا تھا۔انہوں نے کہا کہ نواز شریف، شہباز شریف کے خلاف عمران خان ایک پائی کی چوری ثابت نہیں کرسکے، میرے حلقے میں اب پی ٹی آئی کا نام لینے والا کوئی نہیں ہے۔نذیر چوہان نے کہا کہ ہم ملک کے لیے سیاست کرتے ہیں، عمران خان نے ملک توڑنے کی سیاست کی۔

Leave a Reply

Your email address will not be published.