شمالی کوریا کے سربراہ کم جونگ کی اہلیہ اچانک منظر عام پر۔۔۔وہ اتنا عرصہ کہاں رہیں ؟ حیران کن اطلاعات

سیول (ویب ڈیسک) شمالی کوریا کے سربراہ کم جانگ کی اہلیہ طویل مدت بعد منظرِ عام پر آگئیں، اس سے قبل ان کی اہلیہ کے امید سے ہونے کے حوالے سے قیاس آرائیاں کی جارہی تھیں۔غیر ملکی میڈیا رپورٹس کے مطابق گزشتہ برس کے اوائل سے منظر سے غائب کم جونگ اُن کی اہلیہ

ری سول جیو نے اپنے شوہر کے ہمراہ ایک تقریب میں شرکت کی تھی۔ تقریب کم جونگ اُن کے والد کی سالگرہ کے سلسلے میں منعقد کی گئی تھی۔شوہر کے ساتھ تقریبات میں ساتھ جانے والی ری سول جیو کے طویل مدت سے منظر عام سے غائب رہنے پر تشویش کا اظہار کیا جارہا تھا اور صحت کے حوالے سے مختلف قیاس آرائیاں سامنے آئی تھیں تاہم اب بتایا جارہا ہے کہ وہ عالمی وبا کورونا وائرس سے بچاؤ کے سلسلے میں سامنے نہیں آرہی تھیں۔