عدالتوں سے ہاتھ جوڑ کر اپیل کرتا ہوں یہ کیس نہ سنیں ۔۔۔۔ فواد چوہدری نے حیران کن درخواست کر ڈالی

اسلام آباد (ویب ڈیسک) وفاقی وزیر سائنس و ٹیکنالوجی فواد چوہدری نے کہا ہے کہ ججز سے ہاتھ جوڑ کر کہتا ہوں ٹیکنالوجی کے کیسزنہ سنا کریں، میڈیا اب ڈیجیٹل میڈیا بن چکا ہے،گوگل، یوٹیوب، ٹویٹر جیسی ایپس ملکوں کی طرح ہیں، ہمارے ان ایپس سے تعلق ہونا چاہیے،فاطمہ جناح یونیورسٹی کی تقریب

سےخطاب کرتے ہوئے انہوں نے کہا کہ اگرعدالتیں ذمہ داری کا مظاہرہ کرتیں تو سوشل میڈیا مزید ترقی کرتا، ایک عدالتی فیصلے سے سوشل میڈیا کمپنیوں سے تعلقات خراب ہوئے جبکہ پی ٹی اے نے ٹک ٹاک بین کر دیا، کیا کپڑے پہننے ہیں ،کیا کرنا ہے ،یہ انفرادی شخصیت پر چھوڑ دیں، مختلف سوچ نہ ہو تو معاشرہ تباہ ہو جاتا ہے، انفرادی سوچ کو ختم نہیں کرنا چاہیے،ہمیں ضرورت نہیں کہ ہم سب کے بچوں کے ماں باپ بن جائیں،جب تک ریاستی پالیسیاں نہیں بدلیں گے ملک میں سرمایہ کاری نہیں آئےگی،بےروزگاری تب تک ختم نہیں ہو گی جب تک بیرون ملک سے سرمایہ کاری نہیں آتی، پاکستان میں لڑکیوں کو سائنس اورٹیکنالوجی میں آگےآنا چاہیے۔