میں کسی کو ووٹ نہیں دونگا ۔۔۔۔ سینیٹ الیکشن سے قبل یہ اعلان کس ایم این اے نے کیا تھا ؟ حیران کن خبر

اسلام آباد(ویب ڈیسک)سینیٹ الیکشن کیلئے قومی اسمبلی کے 341 میں سے 340 ووٹ مقررہ وقت پانچ بجے سے پہلے ہی کاسٹ ہوئے تاہم الیکشن کمیشن کاعملہ جماعت اسلامی کے رکن اسمبلی مولانا عبدالاکبر چترالی کا مقررہ وقت پانچ بجے تک انتظار کرتا رہا، ایم این اے مولانا عبدالکبر چترالی ووٹ کاسٹ کرنے نہ آئے ،

مولانا عبدالاکبر چترالی نے پہلے ہی اپنی جماعت کی ہدایت پر غیر جانبدار رہنے کا اعلان کیا تھا، اسلام آباد میں سینیٹ انتخابات کا ٹرن آوٹ 99 فیصد رہا، بدھ کو سینیٹ کی 37 خالی نشستوں پرانتخابات کیلئے پولنگ پارلیمنٹ ہاؤس اسلام آباد، سندھ بلوچستان اورخیبرپختونخواکی صوبائی اسمبلیوں میں ہوئی۔ پولنگ صبح نو بجے شروع ہوئی جو شام پانچ بجے تک جاری ر ہی۔وفاقی دارالحکومت میں جہاں قومی اسمبلی کو پولنگ اسٹیشن قرار دیا گیا تھا، شفیق آرائیں نے پہلا ووٹ جبکہ اس کے بعد فیصل واوڈا نے ووٹ ڈالا۔342 ارکان پر مشتمل قومی اسمبلی کے ایوان میں مقررہ وقت شام پانچ بجے سے قبل ہی 340 ووٹ کاسٹ ہو ئے جبکہ جماعت اسلامی کے واحد رکن نے غیر جانبدار رہنے کااعلان کر رکھا تھا۔