نواز شریف نے آزاد کشمیر الیکشن کی شفافیت پر جاندار سوال اٹھا دیا

لندن (ویب ڈیسک) سابق وزیر اعظم نواز شریف نے آزاد کشمیر میں ہونے والے حالیہ الیکشن کی شفافیت پر سوالات اٹھا دیے۔اپنے ایک بیان میں سابق وزیر اعظم نے کہا کہ آسمان سے باتیں کرتی مہنگائی، غربت اور بے روزگاری کی چکی میں آئے عوام، آٹا، چینی، گھی اور دواؤں کے لئے ٹھوکریں

کھاتے لوگ، پی ٹی آئی سے نجات کے لئے گلی گلی دہائی دیتی خلقِ خدا، مسلم لیگ ن کے پُر جوش تاریخی جلسے اور حکومتی سربراہوں کا خالی کرسیوں سے خطاب، ن لیگ کی پانچ لاکھ ووٹوں سے چھ سیٹیں اور پی ٹی آئی کی چھ لاکھ ووٹوں سے 26 نشستیں، پی ٹی آئی کی ایسی فتح پر کون یقین کرے گا؟انہوں نے کہا کہ آزاد کشمیر اور سیالکوٹ کے نتائج جس طرح حاصل کئے گئے اُس کا تذکرہ اِن انتخابات کے دنوں سے پہلے ہی منظر عام پر آنا شروع ہو گیا تھا، باقی آنے والے دنوں میں اور بے نقاب ہو گا۔سابق وزیر اعظم نے کہا کہ یہ جدوجہد محض چند سیٹوں کی ہار جیت کے لئے نہیں بلکہ آئین شکنوں کی غلامی سے نجات کے لیے اور اپنی خود داری پر سمجھوتہ کئے بغیر تاریخ کی درست سمت میں کھڑے نظر آنے کے لئے ہے۔ مسلم لیگ ن اور عوام کے درمیان خلیج ڈالنے کی کوئی کوشش کامیاب نہیں ہو گی۔

Leave a Reply

Your email address will not be published.